Monday, August 25, 2008

Training at LnT Infotechhh

dara sahma hua sa, main apne kadam us office me rakh raha tha,
jaane kaun kaunse bhagwaan ke naam main le raha tha,
chachu the saath me mere, par unko bhi bahar rok liya tha,
ab to akele jana hai, maine bhi yeh soch liya tha,BHaiyoon woh mera LnT office ka pehla din tha,,,

decency ki har limit ko maine cross kiya tha,
chaprasi ko bhi main sir ji bol raha tha,
whan sabhi ko angrezi me bolne ka bhoot sawar tha,
ohoooo HR walo ko Impress jo karna tha,

wahan ki bandiyoon ne hume bahut aakarshit kiya tha,
saath me ho humari training, dua me rab se yahi kaha tha,
Company ka mahool dekhkar me thoda excited tha,
pal pal har pal kuch aur hi me soch raha tha...

ghar to mila par chabi ka koi thikana na tha,
aur jab room par pahucha to wahan ek parinda bhi na tha,
ghar dekhne dusre bande ke flat par chala gaya था.

waha "Sab chor hai" aisa me baar baar sun raha tha...
aur jab palat kar dekha to topi pehne ek banda khada tha,
humne bhi haskaar usse baat kiya thaaa;
par hume kya pata tha woh bhi humari hi tarah dukhi aaatma tha...

hum apna samaan lekar jab wapas aaye to room kuch bhara bhara sa tha,
Chachu ko alvida kaha aur sab bando se haath milaaya tha,
tabhi hum sabne khane ka program banaya tha,
sridevi me ek thali aur 1 glass doodh niptaya tha॥

dukhi aatma ka concept abhi baki reh gaya tha,
woh topi wala banda humse phir se takara gaya tha,
ghar me uske kuch panga tha aur woh apna saaman liye ghoom raha tha,
hum se raha na gaya aur chalte chalte humne ek naya dost banaya tha...

agle do din kuch khas to na ho paya tha,
bas ek ladki ko dekha tha jis par humara dil aaya tha,
*naam
kudi thi soni naam tha Mona(Changed) pehli nazar ka asar ho gaya tha...

phir rab se wahi dua maangne ka karyakram shuru hua tha,
wahi bandi humari batch me aaye baki sab maine plan kiya tha,
na woh bandi aayi na pyaar parwan chadaa tha,
baad me hume pata chala uska boyfriend bhi wahi khada tha,
mast hoon, yeh na mili to kya kissi aur se to takrana tha...

bacche divide ho chuke the aur humara billa number 85 tha,
in anjaan logo ko hume apna dost, nahi accha dost banana tha,
par sabse pehle hume apne aap ko sabke saamne laana tha,

kudiyoon ke bina nahi chalta hai zamana humne bhi seekh liya tha,
6 ka gang tha 3 bande aur 3 kudiyoon ka sahara tha,
"Decide first instead of others decide" ka funda humne apnaya tha,
Aur tohfe me humne "Blank" hone ki bimari ko paya tha,

nautanki ke maamle me humara group kissi se kam na tha,
acche accho ko pani pila de,,, humare PJs me woh dum tha,
Poora batch humare hasne ki bimari se pareshan tha,
aur hume bas shaam ke free snacks ka intezaar rehta tha।

ek perfect group ka example humare batch ka hona tha,
intelligence, khoobsurati, masti aur nautanki ka sangam tha,
24 me se 16 ghanto ka humara saath tha,
baki ke 8 ghante me sirf sone ka hi program rehta tha।

batch 85 ka masti gang ekdam jhakaas tha,
Jahan dumbcherades me bhooto ki movies ka raaj tha,
wahi humari skits me thirsty queen ka shabab tha,
Fish pond ko me kaise bhool sakta tha,
Saala meri hi parchi Amit Singh ko padna tha,
But the best was mera and shru ka lallu ke liye love letter likhna tha,
And sabhi ke liye songs dedicate karna hmmm gana gane ka accha bahana था....

bachpan ki saari yaadon ko humne phir se jiya tha,
toffi chocolate ko chodho asli maza to lollypop khane me hi tha,
bachpan ke khele games me se shayad hi koi humne miss kiya tha,
naach gaana to humne jab marzi tab kiya tha...

pinky, pinky what color se humne khelna shuru kiya tha,
phir to football, cricket, hide n seek, train aur na jane kya kya khela tha,
par asli maza to choti si class me blind fold khelne ka tha,

And the best part santosh and arif ka chupkese khidki se jhakna tha,,
and then as usual humari nautanki ka shuru ho jana tha.
jo jahan rehta tha wahi khada ho jata tha,
asli creativity show karne ka yahi to mauka hota tha,
koi baju wale se doubt poochta tha,
to koi chup kar wahi baith jata tha.
kuch jyada hi unusal position me ho to girne ka bahana sabse aakhri hota tha...

ghoomne phirne ke maamle me humara batch thoda lucky tha,
kahin bhi ghoomna ho 8-10 bando ka grp hamesha tayyar rehta tha,
shuruvaat to humne talaav pali se kiya tha,
phir to juhu beach, gateway, essel world, haji aliaur na jane kahan kahan ghooma tha,
but still i pray ki is shuruvaat ka koi end na aaye,
kissi ki nazar na lage is group ko jisse humne itni mehnat se banaya tha...

Ghoomne se yaad aaya humari kismat pe shani maharaaj ka raaj tha,
Kuch bhi socho hamesha ulta hi hota tha,
4 baar humara siddhivinayak mandir ka program cancel hua tha,
and finally jab hum pahuche to mandir band ho chuka tha। .....

shuru shuru me company ki bus ka intezaar hota tha..
par dheere dheere auto wale bhaiya ko humara intezaar hota tha,
Din ki shuruvaat bhaiyaa ji ke pohe se hoti thi,
aur raat me todays ka khana humare liye amrut samaan hota tha...

har test ke baad humara movies ka plan hota tha,
padhte to kuch nahi the lekin stress releif ka bahana hota tha,
movies chahe jaisi bhi ho, hume to jana hi hota tha,
Aree chat, pani poori,chane aur jaamun khane ka accha jo bahana hota tha,

Projects ka sama tha aur bando me junoon tha,
poora batch HLD DLD banane me uljha hua tha,
lekin humare group ka alag hi haal tha,
modern washroom kaisa ho ispar horrible discussion chal raha tha,
hass hass ke humara bura haal tha,
bichari sonal bhi sochti hogi ki aisa kaisa design humne banaya tha,
presentation se aadhe ghante pehle hi humne Class diagram banaya tha,
anyways intni nautanki ke baad bhi humara group hi first aaya tha...

Hum jahan ho wahan dange na ho aisa to ho hi nahi sakta tha,
aur dango me bahar jakar poha khane me alag hi maza aa raha tha,
isi beech police ke aane par jo daud lagayi wo shayad hi kabhi bhool sakta tha,
and dunge khatam hone ke baad shru ke theple wahh maza aa gaya tha....

poori training me sirf 2 hi logo ne raaj kiya tha,
sabse pehle Padi maharaj ka ashirvaad tha,
Unka naam jubaan par aate hi,hassi ko apne aap aa jana tha,
Aur uske baad babbar maharaj ka aagman tha,
Ohoo lallu ka unke prati pyaar kahan kisi se kam tha,
Aur hasi ke gubbare ne bachi kuchi kasar ko poora kar diya tha।

un suhani yaadon ko dil me basa liya tha,
masti-aish-nautanki ko humne redefine kiya tha,
shru se choti choti baaton pe ladna,
poore batch ne saath me circus ka program dekhna,
aur baad me aunty ke dance steps ka copy karna,
woh beech session me piche mudkar hasna,
padhi ko dekhkar unke charan ko choone bhagna,
babbar ke saath lallu or ghode ka naam jod dena,
lallu aur uske superman ke maze lena,
aunty ji ki choti choti baaton ka mazak udana,
mittal ka thak thak thak karke chalana,
call centre ka kone me baithkar din bhar phone me lage rehna
aur uske competition me reliance phone liye ek banda ka hona,
maharani jaise haath me dupatta liye kashmiri ka aana
aur shirke ka sleeping queen ko unusal style me sote hue pakadna
Woh deadly skits aur thirstty queen character ka janam hona
itni saari yaadon ko bahut mushkil hai bhool pana...

zindiagi ek mela hai aaj mujjhe samajh me aaya tha
logo ka aana jaana to isme laga rehna tha,
humara tumse milna kahan kissi ne socha tha,
lekin rab ka shukriya hai ki dosti ka yeh pyara bandhan humse jud gaya tha,

dekhte hi dekhte 2 saal ka time yuhi gujar gaya tha,
ab to sony me baithkar bas yuhi sir phodna reh gaya tha,
lekin kahani khatam karne ka accha bahana tha,
Un 4 mahino ka ehsaas dil ke itne kareeb hai is ka ilm inhi baaton se lagaya ja sakta tha,
ki 2 saal ke baad bhi aaj yahan baithkar,
2 din me un 4 mahine ke ehsaaso ko likha tha...

Thursday, August 21, 2008

About me...

Thoda nalayak hoon, thoda kameena, nautanki to mere rag rag me hai,
Rules todna, lekin sab ki care karna bhi khoob aata hai,
Hasna hasana, ghoomna phirna aur aish karna mere shauk hai,
Lekin un bheegi palako se yeh banda bahut darta hai,

Pyaar to me sabhi se karta hoon lekin waat lagana bhi aata hai,
Aur ignore maarne me shayad hi koi mere jaisa hai,
Aur agar mujhse jhagada karna hai to yaad rakhna,
Expecting first move from me sabse badi bewkoofi hai…

Yeh banda tanhaiyoon me khud ko tarashta hai,
Akelepan me un galatio se ladata, jhgadata aur jhoojhta hai,
Har jeet me apni haar talashta hai,
Hai na ajeeb banda,,, andhere se bhi utna hi pyaar karta hai,

Banda yeh bindaaaas Virgo hai,
Extreme experiences ka shauk hai,
Aur jab tak perfection na ho,jeene ka maza kahan hai,
Khaawishein saari nawabi zaroor hai,
Par in sapno me jaan daalna hi to meri strength hai,

Ohh in sapno se yaad aaya hai,
Is duniya se alag apni ek sapno ki duniya banai hai,
Kuch anjaaan chehre to kuch jane pehchane naam hai,
Kuch naye ehsaas hai kuch apno ka pyaar hai,
Thodi creativity baaki sab bakwaas hai,

Dostoon ne hamsha pamper kiya hain
Kissi ne baby ki tarah to kissi ne apno ki tarah,
Thoda cute hoon and banda yeh thoda decent bhi hai,
Thoda kam bolta hai lekin,,,
Romantic hoon sabhi bandiyoon ne yehi kaha hai.....

Tuesday, August 19, 2008

Excitement of my First Onsite to Japan

Woh kehte hai na jo saal ke pehle din karo wohi saal bhar karna padta hai...
sahi kehte hai..

kismat ka khel to dekho phirta tha main mara mara
LnT ke office me main ghoomta tha main awaaraa..

Doston 31st night i worked late till 3.00 am and 1st jan '08 ko subah subah i was again in office na neeend poori hui thi and dinbhar kaam kiya tha...
yahi soch kar ki ek baar kaam khatam ho jayega to thoda rest kar lunga and then
japan jana hai Sony Ericsson me kaam karna hai...

Jiase taise 1st ko poora kaam khatam kiya and then ghar jakar lamba(wanna sleep) hone ki soch hi raha tha,
ki yaad aaya cutting karana hai... phir daud laga di then dmart and then Vashi Galleria jana tha...
Sona to bas Sapno me hi tha..
ek naya sa ehsaas tha aur sochta rehta tha...
japan jana hai Sony Ericsson me kaam karna hai...

Packing karte karate, daudte bhagte sab ko good bye kehta hua..
najaane kitne logo se zindagi me shayad aakhri baar milta hua ..
kuch ankahin baatein liye, kuch armaanon ko dil me dabata hua.. main ja raha tha

delhi pahuchar Bachi kuchi packing khatam karte hua sabse milte hua
thodi shopping to baki sab ko pareshan karta hua
mumma se cooking sikhta hua to kabhi haath to kabhi gaarm soop se jeeb(tongue) jalata hua,
friends aur unki gal friends ko saal ka aakhri salaam karta hua
me poori tarah se tayyar tha,
thodi khushi thi aur thoda bichadne ka ehsaas tha aur soch raha tha ki
japan jana hai Sony Ericsson me kaam karna hai...

Aakhir woh din aa hi gaya jab mujhe airport ke liye rawana hona tha..
mom dad chacha chachu dadi aur bacche sabse akhiri baar milna tha.
indica me saaman dalte hue ghar se nikalte hue chaat wale ka thela aakhri baar dekh raha tha.
aakhoon me sapne hazaar liye me shayad yahi soch raha tha ki
japan jana hai Sony Ericsson me kaam karna hai...

30 kilo ka suitcase liye main airport me akela chala ja raha tha,
thoda sa ghabra raha tha kahin kuch galat samaan to nahi le ja raha..
kahin custom wale jail me na daal de,, maaa ne itni mehnat se laddu banaye hai kahin security wale na kha jaye..
chaku churi lejana allowed hai ki nahi and the worst of all hand baggage the wazan(weight) 10 kilo se jyada tha,
dar to lag raha tha par yeh soch bhi raha tha ki
japan jana hai Sony Ericsson me kaam karna hai...


saara saaman theek thak tha aur saare documents bhi sahi laya tha...
aur 10 kilo wala hand bag bhi within limit aaya tha.
Aur sabse badi baat bina koi fine diye yaaron plane me main finally aaya tha,
ek ajab si khushi thi dusri baar jo internationaal flight me baitha tha
baithe baithe yahi soch raha tha ki
japan jana hai Sony Ericsson me kaam karna hai...

Socha tha chalo plane me thoda timepass ho jayega
Air hostess ko dekh kar thoda man behal jayega..
Par hume kya pata yeh Indian Airlines se bhi badtar(worst) plane nikalega..
saari airhostess mummy ki umar ki thi aur khane me bhi ubala hua andaa(egg) tha..
Chalo koi nahi, Vedio on demand ka sahara tha..
3-4 english movies dekhi and thoda game khelte hue poora time kat gaya tha..
aur udate udate yahi soch raha tha ki
japan jana hai Sony Ericsson me kaam karna hai...

aur dekhte hi dekhte humara plane tokyo me land kar gaya tha..
kitaabo me humesha pada tha ab narita airport ka darshan bhi kar liya tha..
na sone ko mila aur time difference ke chalte 3 ka 6 baj gaya tha..
immigration ke saare form bharte and currency convert karate karate
me yahi soch raha tha ki finally
japan pahuch gaya hoon ab Sony Ericsson me kaam karna hai...

Shandaar *limousine me baith kar me ghar ja raha tha,,
2-4 *indians ko dekh kar man bahut khush ho raha tha..
uchi lambi buildings aur saaf sutheri sadak dekh raha tha,,
japani bandiyoon ko dekhkar, japani gudiyaan yeh term itna famous kyo hai, yahi soch raha tha
bandiyaan stylish aur smart thi bas aur isse jyada me kuch nahi keh sakta tha..
Thand me haath kaap rahe the aur yahi soch raha tha..
japan pahuch gaya hoon ab Sony Ericsson me kaam karna hai...

Finally maine *Gyotuku pahuch kar Unnati ko call kiya tha..
Videsh me apne logo ko dekhna kitna accha lag raha tha..
woh garam garam chai woh pyara sa bistar mujhe dikh raha tha..
na khane ka hosh tha na nahane ka man tha..
aakhoon me nind thi and dil me yeh khayal tha..
japan pahuch gaya hoon ab Sony Ericsson me kaam karna hai...

Ghar to shaandar tha, tv fridge ac heater oven dekh kar main thoda hairaan pareshan tha..
Dostoon india me akele 1 room me 2 log rehne waloon ko aisa araam kahan tha..
ab hume 80,000 room ka kiraya bhi theek hi lag raha tha,
room ki chodo hume to kaam karne ka bhoot sawar tha,,
isi bhoot ko main bol raha tha ki..
japan pahuch gaya hoon ab Sony Ericsson me kaam karna hai...

Varun aur Vijesh se milna bhi ek sukhad(happy) ehsaas tha,
aur unnati ke haath ka khana to lajawaab tha..
kutta billi khane wale desh me sabji aur cake ka bhi shop tha
and to addd toppings on the cream wahan indian shop ka hona tha..
Aur yaaroon wahan parle G ke biscuit aur lal qilla basmati rice ka accha khasa stock tha..
Inhi cheezo ke sahare humne eksaal kaatne ka soch liya tha..
Isi khushi ke saath main soch raha ki..
japan pahuch gaya hoon ab Sony Ericsson me kaam karna hai...

Aur finally woh din aa hi gaya,
jab Sony ericsson me humne apna kadam rakh diya tha...
naya office naye log naya culture,
sab ko jhuk kar salam karna humne bhi sikh liya tha..
In jappuo ke beech me jab apni team me hindustani bande bandiyoon ko dekha,
to humara man khushi ke maare disco kathakalli bharatnatyam sab eksaath kar raha tha..
aur mujhe laga ki me aakhri baar yeh soch raha hoon..
japan pahuch gaya hoon ab Sony Ericsson me kaam karna hai...

Saare sapne chakna choor ho gaye..
hume bhi thoda sa jet leg ho gaya tha.
raat me 8 ghante aur din me 12 ghante main sone laga tha..
kaam ke naam par bas yahi dard e kahani likh raha tha..
poora ek hafta beet gaya hai aur me yahi soch raha hoon..
japan to pahuch gaya hoon ab Sony Ericsson me kaam kab milega...


woh kehte hai na jo saal ke pehle din karo wohi saal bhar karna padta hai...
Galat kehte hai..

hehehe
hahahahaha
hohohohohho...

Hoping to get some good quality work..

Wait wait wait.., yeh kaun aa raha hai….


Ohh finally…

kya on time kissa khatam kiya hai..
mera tl mere piche saaman liye khada hai..
sony ke latest mobiles, charger or najane kitna saaman diya hai,
mahine bhar ka usne kaam schedule kiya hai,
aur pm ke saath mera appintment fix kiya hai.
ek hafte me hi kaam mil gaya hai,
auro se me jyada lucky hoon..
ab me bhi shaan se keh sakta hoon..
japan to pahuch gaya hoon aur Sony Ericsson me kaam kar raha hoon...